பெண்ணாக பிறந்து, ஆணாக மாறிய பின்னர் உலகில் முதல் ஆணாக கருத்தரித்து, குழந்தையை பெற்று, மேலும் இரு குழந்தைகளை பெற்று, பின்னர் ஆணாகவே மாறிப்போன அதிசய மனிதரைப் பற்றி அறிந்து கொள்வோமா?
அமெரிக்காவின் ஹவாய் மாகாணத்தில் 1974-ம் ஆண்டு டிரேசி லகாண்டினோ என்ற பெண் குழந்தையாக பிறந்தவர், தனது பதின்பருவ காலத்தில் பெண்மைக்குரிய சுபாவங்களில் இருந்து சற்று மாற்றமான தோற்றத்தில் தெரிய ஆரம்பித்தார். அடடே, நமது இயல்புக்கு ஏற்ற உடலமைப்பு இதுவல்ல.., என தீர்மானித்த டிரேசி, ஆணாக மாறுவதற்கு தேவையான ஹார்மோன் சிகிச்சைகளை மேற்கொண்டதன் பலனாக முகத்தில் மீசை உள்ளிட்ட ரோம வளர்ச்சியுடன் திடகாத்திரமான ஆண்மகனாக தெரிய ஆரம்பித்தார்.
2002-ம் ஆண்டுவாக்கில் நான்சி என்ற பெண்ணை காதலித்து மணந்துகொண்ட பின்னர் தனது பெயரை தாமஸ் பீட்டி என மாற்றிகொண்டார். பெயரை மாற்றிக் கொண்டபோதிலும் தனது பெண்ணுறுப்பு மற்றும் கருப்பையை அகற்றிவிட்டு, ஆணுக்கு தேவையான ‘அம்சங்களை’ பொருத்திக்கொள்ள அவர் முன்வரவில்லை.
இதுவும், தாமஸின் சந்ததி பெருக்கத்துக்கு பெருந்துணையாக அமைந்து விட்டது. விதிவசமாக அவர் மணந்துகொண்ட நான்சி, ஏற்கனவே ஆபரேஷன் மூலம் கருப்பையை அகற்றிக் கொண்டவர் என்பது பின்னர் தெரியவந்த தாமஸ், நாம் முழுஆணாக மாறாததும் ஒருவிதத்தில் நன்மைக்கே என்பதை உணர்ந்தார்.
ஆணாக இருந்தபடியே தனது கருப்பையில் ஒரு குழந்தையை சுமக்க ஆசைப்பட்ட தாமஸின் எண்ணத்துக்கு அவரது மனைவி நான்சியும் தூபம்போட.., விந்துதானம் மூலம் செயற்கை முறையில் கருத்தரித்து 2007-ம் ஆண்டு வீங்கிய வயிற்றுடன் உலகின் முதல் கர்ப்பிணி ஆணாக ஊடகங்களுக்கு தீனிபோட்ட அவர், முதல் குழந்தையை பெற்றெடுத்தார்.
அடுத்தடுத்து, மேலும் இருமுறை கருத்தரித்து, வரிசையாக மூன்று குழந்தைகளை பெற்ற பின்னர், முற்றும் முழுக்க பழைய ஆணின் உருவத்துக்கு மாறினார்.
பின்னர், 2012-ம் ஆண்டுவாக்கில் தாமஸுக்கும் அவரது மனைவிக்கும் இடையில் மனக்கசப்பு ஏற்பட்டு (அவர் முழுமையான ஆணாக இல்லாததால்கூட இருக்கலாம்) அவர்கள் பிரிந்துவிட முடிவெடுத்ததாக முன்னர் அமெரிக்க பத்திரிகைகளில் செய்திகள் வெளியாகின.
அந்த காலத்தில் பெண்ணுறுப்புடன் இருந்த தாமஸும், பிறவியிலேயே பெண்ணாக உள்ள நான்சியும் செய்துகொண்ட காதல் திருமணம் சட்டப்படி செல்லுபடியாகத்தக்கதல்ல என தெரிவித்த நீதிமன்றம் அவர்கள் அதிகாரப்பூர்வ தம்பதியர்களல்ல என்பதால், விவாகரத்து வழங்க சட்டத்தில் இடமில்லை என அறிவித்து விட்டது.
பின்னர், மேல்முறையீடு செய்து ஆகஸ்ட்-2014-ல் அந்த வழக்கில் வெற்றிபெற்ற தாமஸ் தற்போது அரிசோனா மாநிலத்தில் உள்ள பீனிக்ஸ் நகரில் ஆம்பர் நிக்கோலஸ் என்ற தனது புதிய தோழியுடனும், மூன்று குழந்தைகளும் வாழ்ந்து வருகிறார்.
தற்போது, திருநங்கையரின் உரிமைகள், செயற்கை முறை கருத்தரிப்பு மற்றும் வாரிசுகளை உருவாக்கும் உரிமை போன்றவற்றுக்காக தீவிரமாக குரல் எழுப்பிவரும் தாமஸ் பீட்டியைப் பற்றி பல குறும்படங்கள் தயாரிக்கப்பட்டு உலகின் பல்வேறு குறும்பட திருவிழாக்களை அலங்கரித்துள்ளன என்பது குறிப்பிடத்தக்கது.
அவரது தாயுமானவன் வாழ்க்கையைப் பற்றி அறிந்துகொள்ள இங்குள்ள சிறிய வீடியோ இணைப்பை கிளிக் செய்யவும்.
0 கருத்துகள்:
கருத்துரையிடுக